HERRI JASANGARRIA > NATUR-GUNEAK: BABESTU ETA SUSTATU

Andatzaren kudeaketa eta erabilera Usurbilgo beharretara egokitu: bertako basoa, aisialdia, ondarea eta uraren kudeaketan duen eragina zaindu.

** Etengabeko lan ildoa. Udal eskumenak baliatuta, eta aldundiarekin harremanetan, zenbait pauso eman dira:

– Ondarea: urtero, Aranzadirekin batera, azterketa arkeologikoak egin dira Irigainen. 2023an, errotarrien inguruko liburuxka argitaratzea aurreikusten da.

– Aisialdia: errotarrien mendi ibilbide homologatua gauzatu da, eta 2023 hasieran aurkeztuko da publikoki.

– Ura: aldundiarekin neurriak adostu dira Erroizpe inguruko basoa ez ustiatzeko.

– Basoa: bertako basoa landatzeko ekimenak egin dira, esaterako, ikasleekin, eta izaera orokorrez bertako basoa landatzea adostu da aldundiarekin.